Hræsni

Skemmtilegt að sjá hversu fljót löggan var að bregðast við þegar ráðamenn fundu fyrir mótmælunum. 

Sturla boðaður í skýrslutöku

Hvernig væri þá að hætta að láta þetta bitna þyngst á almennum borgurum

Eða er það trú manna að meirihluti Ríkisstjórnar og Alþingis búi í úthverfum?

Mótmælt við fjármálaráðuneytið

Ég er hættur að styðja aðgerðir vörubílstjóra

Og leyfði mér að útskýra af hverju.

Það er mjög þunn lína milli þess að vera hetja og þorpari.  Þegar vörubílstjórar stoppa bílana á miðri götu á háannatíma eru þeir að koma skoðun sinni vel til skila.  Almenningur verður fyrir nokkrum töfum en almennt helda ég að menn séu sáttir við það. 

En þegar ég sé vörubílstjóra leika sér að því að keyra á miðjum veginum á 30.  Er það ekki að skila neinu öðru en óþægindum,  það kemur þeirra málefnum ekki á framfæri.  Þegar þeir amast að mönnum sem að eru að reyna að komast fram hjá bílunum þeirra eru þeir að láta aðgerðir sínar koma eins harkalega niður á hinum almenna borgara.  Ég styð baráttuna en aðferðirnar eru þeim til minnkunar.  Af hverju beinast aðgerðirnar helst að úthverfum? Telja þeir meirihluta Alþingismanna kannski búa í þeim.  Af hverju að hindra menn í að böðlast framhjá bílunum?  Af hverju er ekki nóg að stöða umferðaræðarnar?  Af hverju ekki að láta sjúkraflutningamenn vita hvar aðgerðirnar verða næst?  Það verður of seint að hætta við ef eitthvað alvarlegt gerist.  Þessar aðferðir eru þeim til minnkunar og ég fæ ekki alveg séð að þeir séu að ná takmarki sínu.  A.m.k er ég sem að stóð þá heilshugar í fyrstu hættur að styðja þá.

Umferð komin af stað

Hvað með keyra eins og asni mótmælin?

Verð að segja að þegar aðgerðirnar vekja athygli ráðamanna og fjölmiðla þá eru ágætislíkur á að þeir nái einhverjum árangri.  En þegar aðgerðirnar snúast um að keyra eins og asni er ég ansi hræddur um að þær nái ekki settu marki. 

Ég keyrði fyrir aftan vörubíl sem að ók á miðri Breiðholtsbrautinni á 30 km hraða í gær.  Þar var enginn viðbúnaður. Þeim aðgerðum var eingöngu beint gegn þeim vegfarendum sem að voru í kringum hann.  Ég var mjög hrifinn af þessu framtaki í upphafi, en eftir að hafa keyrt á eftir asna í gær sem var eingöngu að angra þá sem að í kringum hann voru ekki með neina yfirlýsingu til fjölmiðla eða neitt slíkt bara að keyra eins og asni.  Þá hefur hvort tveggja hrifning mín og samúð með vörubílstjórum dvínað mikið.

Mestu tafir hingað til

Hvenær er manni misboðið?

Í kjölfar birtingu danskra fjölmiðla á múhameðsteikningunum geysaði mikil ofbeldisalda sem virðist núna vera í rénun.  Þarna misbauð danskt þjóðfélag hvortveggja múslimum búsettum í Danmörku sem og um allann heim og hefur birtingin orðið til að valda dönum álitshenkki í miðausturlöndum.  En það er staðreynd að grundvöllur okkar þjóðfélags er frelsi til ýmissa hluta og þar er tjáningarfrelsið hvað stærstur partur.  Kveikjan að seinni birtingu skopmyndana var að fámennur hópur hafði lagt  ráðin um að ráða af dögum einn teiknaranna.  Með því var nefnilega vestrænu þjóðfélagi og vestrænu gildismati misboðið. 

Birting skopmyndana á sínum tíma var smekklaus og óþörf. Hún var særandi og misbauð mörgum múslimum.  En má ekki segja að sama skapi að viðbrögðin við henni hafi verið það líka og að viðbrögðin hafi einmitt misboðið okkur vesturlandabúum.  Það má líka benda á að bág staða kvenna, opinberar aftökur, grimmilegar refsingar, sæmdarmorð  og mannréttindabrot misbjóði okkur að sama skapi.  Það hefur ekki vafist fyrir múslimum í mið-austurlöndum að láta vanþóknun sína í ljós. Það höfum við ekki gert með jafn afgerandi hætti umræðan um samneyti ólíkra hópa hér á landi hefur litast af öfgum.  Annars vegar þeirra sem vilja helst engin landamæri og þeirra sem vilja loka þeim með öllu. 

Burtséð frá öllu tali um fjölmenningarþjóðfélag verðum við að horfast í augu við að þegar fluttst er til annars lands hefur það breytingar í för með sér og við verðum að horfast í augu við það þeir innflytjendur sem hingað koma munu ekki fara að kyrja rýmur og éta hákarl á fyrsta degi og verða að fá að við halda sínum sér einkennum, hver hefur ekki heyrt fréttir af 17. júní hátíðahöldum utan úr heimi.  Hvar þessi mörk liggja vitum við ekki vegna þess að umræðan hefur ekki átt sér stað hún hefur ekki átt sér stað í fjölmiðlum nema með þeim hætti að talsmenn innflytjenda hafa sett fram kröfur um rétt innflytjanda til hins og þessa aðrir hópar hafa komið fram með kröfur um að innflytjendur skilji og tali íslensku. 

Brýn þörf er á því að þessi mál verði til umræðu því umræðan eins og hún birtist núna mun ekki verða til annars en að auka á hópamyndun og vanvirðingu gagnvart innflytjendum.  Eins og staðan er í dag eru báðir hópar að upplifa hvort tveggja höfnun og ógn af hendi hins.  Innflytjendur upplifa höfnun síns samfélags og gilda af hendi andstæðinga innflytjenda og andstæðingar innflytjenda upplifa höfnun íslensks samfélags og gilda af hendi innflytjenda.  Báðir upplifa síðan hinn sem ógn við sína afkomu.

Koma þarf af stað umræðu þar sem að þeir hópar sem hafa myndast geta myndað gagnkvæmt traust og þannig skapað sátt.  Þannig skapast samfélag sem við getum öll unað við. 

Ætli það komi tilkynning í upphafi flugs?

Eins og það koma tilkynningar um að flugið sé reyklaust að flugið sé hálofakynlífslaust.

Háloftakynlíf bannað í risaþotu Airbus

Hvenær lækka orkugjöldin

Gegnum tíðina hefur það sýnt sig að gjöld vegna rafmagnsnotkunar hafa sjaldan lækkað.  Enda hefur verðið jafna verið ákveðið mv hvað orkufyrirtækin þurfa og þar með er ekki hvati til að lækka rekstarkostnað enda hægt að velta öllum hækkunum beint út í verðlagið.  Nú geta menn reyndar valið við hvaða orkufyrirtæki þeir versla en það vill nú svo skemmtilega til að verðið er alls staðar það sama, fín samkeppni það.   Hugmyndin með Landsvirkjun á sínum tíma var að sjá íslendingum fyrir orku en stóriðja myndi njóta afgangsorkunnar.  Ekki er um að ræða neina afgangsorku af Kárahnjúkavirkjun enda fer hún öll beint til Reiðaráls og eins og áður mun Landsvirkjun velta öllum þeim kostnaði sem til hlýst á hinn almenna neytanda.  Þeim reynist mun erfiðara að velta hækkunum á stórnotendur vegna þess að þeir gera samninga.  Neytendum býðst ekki að gera samninga heldur taka þeir verðinu sem sett er upp og geta ekki farið neitt annað. 

Nú fer OR í áhætturekstur með málefnum REI á sama hátt er þar ekki um að ræða neina áhættu vegna þess að eins og Landsvirkjun mun OR einfaldlega velta auknum kostnaði á neytendur en ef það verður hagnaður verður honum væntanlega varið til meiri fjárfestinga frekar en að lækka orkuverð. 

Það virðist vera alveg sama hvað gerist af það skapast svigrúm til lækkana á orkuverði.  Þá verður frekar farið í fjárfestingar í einhverju öðru.  Friðrik Sophusson talaði um það nýlega að virkjanaverkefni hér á landi yrðu uppurinn innan fárra ára og þá yrði að vera búið að vinna forvinnu til þess að fara í útrás.  Enda virðist sú hugmynd að nýta minnkandi þörf fyrir framkvæmdir til þess að lækka orkugjöldin vera stjórnendum orkufyrirtækjanna svo framandi að hana taki ekki að ræða.  Ef menn halda að það breyttist eitthvað ef að sjálfstæðismenn réðu ferðinni þá er Friðrik Sophusson nú fv. varaformaður Sjálfstæðisflokksins og borgarfulltrúar Sjálfstæðisflokksins voru nú alveg með það á hreinu hvað gera skyldi við þessa 10 milljarða sem að átti að fá fyrir hlut OR í REI hann átti að renna inn í Borgarsjóð og því tæplega orðið til þess að lækka orkuverð.  Fyrir okkur orkugreiðendur er vandamálið það að fari allt á versta veg munum við borga brúsann en fari það á besta veg mun hlutum veitufyrirtækjanna væntanlega hafa verið ráðstafað til fjárfesta þegar stærri hluti arðsins kemur til úthlutunar. 

Niðurstaðan verður sú að skattgreiðendur og orkugreiðendur munu taka áhættuna en tæplega njóta ágóðans. 

Innheimtumiðstöð gjalda

Fyrir allnokkrum árum náðu aðildarfélög IHM því að upp yrði tekið ákveðið gjald af geisladiskum og skrifurum, um þetta stóð nokkur styr og eftir mikla fjölmiðla og netumræðu var gjaldið lækkað.  Ég tók eftir því fyrir nokkrum árum að þessu gjaldi hefur ekki verið úthlutað og hefur þar engin breyting orðið á. 

Þegar gjaldið var sett á var því ætlað að mæta þeim skaða sem að tónlistarmenn verða fyrir vegna löglegrar afritunar almennra notanda á geisladiskum sínum til eigin afnota.  Burtséð frá því að með tilkomu iPodsins hefur það nánast lagst af að menn afriti diska til eigin afnota er það fráleitt að leggja á gjald árum saman án þess að úthluta því. 

Gjaldið sem lagt er á eru 17 krónur á venjulega geisladiska og 50 krónur á DVD diska.  Þetta er stór hluti af verði diskana.  Þessi reglugerð var sett árið 2001 og því hefur þetta gjald verið innheimt í 6 ár án þess að því hafi verið úthlutað.  Er það ásættanlegt að þessir fjármunir séu ekki nýttir.  En það vekur líka athygli að hluti þess fjármagns sem berst fer til reksturs IHM og sem framlag í menningarsjóð. 

Það er ekki ólíklegt að afritun á tölvuforritum sé ekki minni og því ættu forritarar að njóta þessa gjalds að einhverju leiti.  En það hefur að því er ég best veit ekki staðið til.

Það verður að teljast alveg óþolandi að þessu sé ekki sinnt og gjaldinu úthlutað m.v. þann tilgang sem það hefur.  Verði ekki breyting á verður að endurskoða þetta gjald enda er varla mikil þörf fyrir það ef menn sinna því ekki að úthluta því.  Nema tilgangurinn sé að hækka verð á geisladiskum eða tryggja IHM rekstrargrundvöll. 

 

Spoilerar í sjónvarpinu

Það er ekki til íslenskt orð yfir þetta fyrirbæri sem er spoiler.  En það breytir því ekki að nú er varla hægt að horfa á sjónvarp án þess að sífellt sé verið að sýna úr þáttum og gjarnan þannig að það er nær óþarft að horfa á hann. 

Spennuþættir og myndir eru hugsaðar þannig að sem mest af söguþræðinum ætti að vera hulið áhorfandanum.  Það að vita endirinn á spennuþætti dregur talsvert úr upplifuninni af því að horfa á hann.  Þetta virðist alveg hafa farið fram hjá markaðsdeildum sjónvarpsstöðvanna.  Sem kappkosta að segja frá næstum öllum þættinum í auglýsingum fyrir þá.  Það er hugsanlega skiljanlegt að mönnum finnist þeir þurfa að kynna nýja þætti fyrir áhorfendum en er ekki nóg að láta vita af þeim og hugsanlega upphafinu en ekki að segja nær allan söguþráðinn í auglýsingunni. 

Ætli þetta séu nokkuð verktakarnir sem mótmælendurnir stöðvuðu vinnu hjá

Það væri náttúrulega frábært ef það hefði verið svo að þarna færu einmitt þeir verktakar sem mótmælendurnir stöðvuðu vinnu hjá og lögreglann hefði með því að fjarlægja þá liðkað fyrir ólöglegri vinnu þeirra.

 

Enn biðstaða við búðir Arnarfells