Í það minnsta höfðum við engann áhuga á að eiga frekari viðskipti við Garðlist

Þegar kom að því að finna aðila til að slá garðinn hér hjá okkur þá var okkar reynsla af garðlist á þann veg að við höfðum engann áhuga á að versla við þá aftur.
mbl.is Braut lög með auglýsingu
Tilkynna um óviðeigandi tengingu við frétt

Það er náttúrulega alveg óþolandi að stjórnmálamenn hlusti á almenning

Enda hefur Geir gætt þess ötullega að allar aðgerðir mótmælanda varði hann ekki neitt, enda hafi hann jú fengið umboð til að stjórna landinu í síðustu kosningum.


mbl.is Geir: Stjórnuðust af hatri
Tilkynna um óviðeigandi tengingu við frétt

Vinafáir reynumst við

Það er að koma á daginn að við Íslendingar reynumst eiga fá vini nú þegar reynir á.  Alþjóðagjaldeyrissjóðurinn reynist ekki vera sá haukur í horni sem við töldum okkur reyna.  Bretar og Hollendingar heimta af okkur skaðabætur líkt og tíðkaðist forðum þegar þjóðir höfðu tapað stríði þeim bar að greiða skaðabætur.  Það er kannski ekki svo óvænt því að við teljumst sigruð þjóð á tveimur vígstöðum Bretar unnu ímyndarstríðið með án mótspyrnu og nú þegar við etjum kappi við Breta, Hollendinga og fleiri þjóðir sem sífellt stökkva á tækifærið til að heimta bætur virðumst við vera að tapa stríðinu á diplómatísku stigi.  Nú er það jafnvel orðið svo að frændur okkar á norðurlöndum eru jafnvel að láta sig hverfa nema þá helst Norðmenn.

Það sem gerir stöðuna enn verri er sú staðreynd að við erum búin að fara að ráðleggingum IMF um að stórhækka hér stýrivexti sem gerir það að verkum að hér getur ekki neitt atvinnulíf þrifist og það gerist nokkrum vikum eftir að Seðlabankinn snar lækkaði stýrivexti og ýtti þar með undir væntingar atvinnulífsins um stýrivaxtalækkun væntingar sem svo urðu að engu. 

Það er erfitt að sjá hvernig Ríkisstjórnin ætlar að örva atvinnu meðan að vextir eru eins háir og raun ber vitni.  Hér vantar ekki menntað fólk, fólk með hugmyndir eða fólk sem þorir.  Hér vantar hins vegar fjármagn, það vantar smurningu á hagkerfið. 

Hér blasir við hrun á húsnæðismarkaði, atvinnuleysi og óðaverðbólga.  Ef fer sem horfir munu þúsundir Íslendinga standa frammi fyrir mestu eignarýrnun í manna minnum.  Á sama tíma blasir við að tekjur munu lítið sem ekki neitt hækka við hlið ört hækkandi verðlags.  Nú þegar aðgengi inn í Evrópu er með þeim hætti sem nú er þá er hætt við að verði ekki gripið inn í muni menntaða fólkið, fólkið með hugmyndirnar og fólkið sem þorir horfa til þeirra tækifæra sem munu bjóðast í nágrannalöndunum.  Tækifæri sem bjóðast ekki hér.  Ef fer sem horfir og ekkert verður að gert mun hér einmitt skorta fólkið með menntunina, með hugmyndirnar og með þorið.  Þeim sem það býðst munu margir fara utan og seint ef ekki aldrei snúa aftur.

Þær hugmyndir að endurreisa efnahag landsins með gjaldeyrisforða eru sjálfsagt settar farm í góðum hug en það er fólkið í landinu sem að þarf til að endurreisa efnahaginn og þegar við mörgum blasir að byrja á núlli þá er kannski ekki síðra að byrja á núlli einhvers staðar í Evrópu. 

Við þetta bætist sú staðreynd að fjármálakerfi landsins er rúið trausti á alþjóðavísu amk um nánustu framtíð ef ekki lengur. 

Ég var þeirrar skoðunar að sú ríkisstjórn sem að nú situr ætti að fá ráðrúm til að leysa úr málum.  En það hefur sýnt sig að til þeirra verka er hún ekki hæf.  Við þurfum að fá fólk sem að gerir hlutina en talar ekki endalaust um þá. 

Ríkisstjórn landsins á að sjá sér þann sóma í því að sé hún ekki fær um úrlausn vandans á hún að víkja.  Við höfum ekki efni á því að leyfa málum að fara úr böndunum við þurfum lausnir strax.

Við íslendingar höfum gjarnan haldið okkur til hlés í alþjóðamálum á síðustu áratugum höfum forðast að styggja aðrar þjóðir og því eigum við ekki marga óvini á alþjóðavísu.  En með vini eins og okkar þurfum við ekki óvini.  


Our List of Allies Grows Thin

Við höfum nú líklega lítið við óvina að gera með svona vini.  Af hverju erum við ekki búin að lækka stýrivextina aftur?  Maður berst ekki við kreppu með því að stöðva atvinnulífið, heldur örva það. 


mbl.is Afgreiðslu umsóknar frestað
Tilkynna um óviðeigandi tengingu við frétt

Vont er þeirra ranglæti, verra er þeirra réttlæti

Í samhengi við eigið fé heimilanna hef ég litlar áhyggjur af eigin fé íbúðalánasjóðs.  Ég skil þessi skilaboð Jóhönnu þannig að einskis sé að vænta í úrræðum til handa hinum almenna skuldara, sem er í raun að vega og meta stöðu sína til allrar framtíðar.  Það er til lítils að benda á úrrræði sem eru ætluð fólki til að taka á tímabundnum erfiðleikum, þar sem að brugðist er við tímabundnum tekjumissi.  Þetta frestar bara þrengingum fólks en kemur ekki í veg fyrir þær þar sem að í fæstum tilfellum verður um mikla tekjuaukningu þar sem að ljóst er að mikil tekjuaukning mun fyrst og fremst leiða til aukinnar verðbólgu. 

Þar með eru skilaboðin til margra gjalþrot og til annarra blasir við að sá sparnaður sem bundinn hafði verið í húsnæði verður að engu.  Þannig blasir við að stór hluti ungs fólks mun standa upp eignalítill eða eignalaus og þarf því að byrja upp á nýtt og þá er kannski alveg eins gott að byrja upp á nýtt einhvers staðar annars staðar.  Þar sem að ef fólk er með sitt á hreinu er ekki líklegt að til þess komi að það neyðist til að taka á sig gríðarlegar skuldbindingar vegna þess að yfirvöld þrjóskast við að halda í gjaldmiðil sem að heldur ekki vatni og þrjóskast við að halda pólitískum ítökum í þeim stofnunum sem eiga að tryggja að ekki keyri allt um þverbak.

Það segir sig sjálft að tilslakanir til skuldara kosta fjármuni, en það þarf að taka tillit til þess tjóns og upplausnar sem að blasir við samfélaginu þegar fólk flyst úr landi vegna þessarrar eignaskerðingar.

Aftur sýnir það sig að almenningur fær að bera ábyrgð. 

Almenningur tekur á sig þá lækkun húsnæðis sem spáð er.

Almenningur tekur á sig þá hækkun afborgana sem gengishrun og verðbólga í kjölfarið boðar.

Almenningur mun ekki geta sótt þessa kjaraskerðingar til atvinnurekanda þar sem að í kjölfar stýrivaxtahækkana og ógn um verðbólgu sem að fylgdi almennum launahækkunum.

Almenningur fær að borga 30% yfirdráttarvexti vegna stýrvaxta hækkunar Seðlabankans.

Það sem á síðan að bjóða okkur upp á sem lausn á þessum vanda er hækkun stýrivaxta Seðlabankans.  Það sama og hrakti alla til að taka lán í erlendri mynt, það sem að gerði bönkunum kleift að sækja erlent lánsfé á slæmum kjörum og flytja hingað inn.  Ég hef enga trú á því að þessar aðgerðir skili okkur öðru en meiri hörmungum.

 


mbl.is Jóhanna: Mun reyna á ríkisstjórnarflokkana
Tilkynna um óviðeigandi tengingu við frétt

Af hverju borðar það ekki bara kökur.

Var einu sinni sagt þegar rætt var um að fólkið hefði ekki brauð.  Meðan að menn þráskallast við að leysa ekki vandan sem að steðjar og telja að hann leysi sig sjálfur þá er því miður hæpið að það rofi til. 

Það hefur verið mjög auðvelt að stæra sig af góðum verkum á því tímabili sem hefur veirð að ganga yfir þar hefur verið gósen tíð og mikill uppgangur en ég held að við ættum að mæla verðleika manna á því hvernig þeim gegnur þegar illa árar.  Hvernig sklildi launaþróun hafa verið hjá æðstu stjórnendum þjóðarinnar, þeim sem hvetja launamenn til að sýna stillingu í launakröfum til að varðveita stöðugleikann.  Það væri forvitnilegt að vita það.  Þá er líka rétt að hafa í huga þegar bensín verð er skoðað að æðstu stjórnendur þurfa almennt ekki að hafa áhyggjur af því að reka bíl.


mbl.is Fólk haldi að sér höndum í fjárfestingum
Tilkynna um óviðeigandi tengingu við frétt

Lögreglan þarf að skoða sinn gang

Þarf lögreglan ekki að skoða það að menn sem eru ekki inni á athafnasvæði lögreglu og gera ekki annað en að láta skoðun sína í ljós.

þó þeir úthúði lögrelunni þá verða menn að skilja að þegar þeir fara í óvinsælar aðgerðir þá þurfa þeir að sýna stillingu.  Af hverju að vera að handtaka menn fyrir að láta skoðun sína í ljós. 

Ég tek fram að ég fordæmi eggja og grjótkast og hvaðeina annað sem flokkast undir ofbeldi gagnvart lögreglunni. Hversu langt sem hún kann að hafa gengið. 


Er framferði lögreglumanna þeim til sóma.

Ég verð að segja að ég var fyrir löngu hættur að botna í aðgerðum vörubílstjóra en aðgerðir lögreglunar náðu þó að slá út bílstjórana í vitleysunni og gott betur. 

Eftirtalinn atriði sem snúa að framferði lögreglu og birst hafa í fréttum skil ég ekki.

  1. Vörubílstjóri sem er að fara inn í bílinn sinn fær það ekki.  Á þeim tímapunkti snerust aðgerðirnar ekki um að halda veginum opnum heldur handtaka sem flesta?
  2. Lögreglumenn ráðast margir með kylfur á óvopnaða menn til að handtaka þá.  Hugsanlega var hann svo ógnandi einn og sér að ekki var hjá því komist að berja hann nokkrum sinnum en ég efa það mv. fregnir sem ég hef heyrt þá gerðist þetta nokkrum sinnum.
  3. Maður sem að skammast í lögreglunni er snúinn niður og handtekinn.  Verða lögreglumenn í átakasveit ekki að þola það að menn séu ekki sáttir við þetta.  Var kannski bara takmarkið að handtaka handahófskennt menn óháð því sem þeir höfðu til saka unnið?
  4. Lögreglumaður sem fréttamaður Stöðvar 2 ræðir við lofar henni aðgerðum þegar hann er spurður um mismunandi tök sem lögreglan sýnir umhverfissinnum og vörubílstjórum.  Er þarna búið að ákveða að fara í eins hart sjón bar vitni?
  5. Fannst manninum sem að öskraði GAS! virkilega nauðsynlegt til að verja líf og limi að sprauta á menn á löngu færi, að sprauta á mann sem stóð kyrr og varði sig með hendinni.  Er þetta virkilega í lagi?

Að sama skapi skil ég ekki af aðgerðum mótmælenda.

  1. Að henda grjóti er algerlega fráleitt og ekki neinum málstað til framdráttar.
  2. Að henda eggjum er barnalegt og er mótmælendum til minnkunar.

En ég verð að segja að Hörður Jóhannesson er maður sem ég tel ekki stætt á starfi sínu lengur.  Hann mætir í fréttir og hvítþvær allar aðgerðir lögreglu segir þær standast alla skoðun.  Hvernig veit hann það.  Ekki var hann á staðnum.  Er þetta kannski standard svarið sem að lögreglan gefur þegar á hana eru bornar sakir.  Við gerðum allt rétt hinir gerðu allt vitlaust. 

Þegar Geir Haarde, Björn Bjarna, Ingibjörg Sólrún  og Hörður hvítþvo lögregluna  og aðgerðir þeirra opinberlega spyr ég mig einfaldlega hvort þeir hafi ekki verið að horfa á þessi myndskeið. 

Mín skoðun er að vörubílstjórar höfðu gengið of langt í sínum aðgerðum en þegar ég horfi á aðgerðir lögreglu snerist mitt álit um 180° á staðnum.  Ég er enn á því að vörubílstjórar hafi ekki komið sínum málstað vel fyrir og er ekki endilega sammála honum en hinsvegar er ég hræddur um að það sé ekki langt í að mótmælin verði farin að snúast um lögregluna og ekki neitt annað og þar getur lögrelgan og ríkisstjórnin bara kennt sjálfum sér um.


Næsta síða »

Um bloggið

Indriði Ingi Stefánsson

Höfundur

Indriði Ingi Stefánsson
Indriði Ingi Stefánsson
Hugleiðingar um ljósmyndun, tölvur, þjóðmál og aðra vitleysu
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband